Arraw n Tlelli

Zik-nni, yella yiwen n umɣar yettidir netta d kraḍ n warraw-is deg yiwet n tiɣilt i d-yezgan deg udrar. Akken iḥulfa s lajel-is yuweḍ-d, yerra ɣer teẓgi, yuwi-d tazdemt n yisɣaren, akken ad ijerreb yis-s arraw-is ma yella yezmer ad yettkel fell-asen neɣ ala.

Yiwen wass, yessawel umɣar i tarwa-s, yuwi-ten sdat n tezdemt-nni, yenna-asen:

• “Anwa deg-wen i izemren ad yerreẓ tazdemt-agi”?

Yekker umenzu yerfed tazdemt akken tella, tcudd tezmeḍ mliḥ; ur as-yezmir ara; wis sin, wis tlata akken am umenzu, ur zmiren ara. Mi iwala akken umɣar-nni, dɣa yekker yenna-asen:

• “A tarwa ɛzizen, am waken yenna uṛumi: ‘Bḍu-ten, terniḍ-ten’. Iɛedda yefsi tazdemt-nni, yeddem isɣaren, yebda la ten-yettruẓu yiwen yiwen. Mi ifukk, yezzi ɣur-sen, yenna-asen:
• “Akka a tarwa ula d kunwi, ma tedduklem, yiwen ur awen-yezmir; ma tebḍam, win d-yusan ad ken-yerreẓ”.

S wakka i d-yefka umɣar tamsirt ɣef tdukli, yerna iweṣṣa arraw-is ad qqimnen zdin am yiḍuda n ufus akken ad izmiren ad qablen taswaɛt xas qessiḥet, acku lsas n tegmat d tadukli.

Larbi Yahioun