Tamacahut n tgelda

6 novembre 2015

Yella yiwen ugellid, yiwet n tikkelt yessemger. Yuki d-yiman-is belli tfuk-as tezmert. Imi akka issunefk-as ad irr yiwen nniḍen deg wemdiq-is maca amek ar-a yeg akken ad-yaf win gef acu ar-a yettkel izemren i tgelda .

Yufa-d tikti akka yenna i lgaci :

-kra n win igur-s baba-s ur yemmut ara, a-t-yezlu.

Kkren lgaci n tmmurt nni zlan akk babat-sen anagar yiwen ur t izl’ara. Mi yewweḍ ar baba-s, inna-yas akka d wakka.

Imir nni yerna ugellid yenna-yasen a-y-id-tawim seksu gef acciwen n yezgaren. Azekka nni yal wa amek s-iga yeqqen aḍebsi ger wacciwen wezger. Wa yeskker takemmust n seksu deg wceṭiḍ yeqn-itt neg yurzi-tt ar yic n wezger, yal wa amek s-iga akken a-s-yawi seksu i wegellid gef yic n wezger.

Azekka nni, mi d-yeffeg tanzegt ittwali-d ar lgaci yeqqim seksu yettafeg ar igenni, izgaren nni, asmuhret, tekker ddunit ar laxeṛt.

Anagar yiwen yeṭṭf-ed yiwen wergaz i msegza yid-s a-s-d-irfed tarbuyt n seksu i wgellid. Agellid mi t id-iwala akken, yenna i lgaci nni:

-Ruḥet akk anagar wihin umi d-irfed akka wihin tarbuyt ihin. Yenna-yasen, s wurfan : – siwlet-as !  Winna mi d-yewweḍ ar ugellid. Agellid yenna-yas : -Amek nnig i lgaci a-y-id-tawim seksu gef acciwen n yezgaren, keč tewwiḍ iyi-d argaz. Wagi d-argaz mači d-azger i-s-yenna ugellid.

Argaz d-iṭṭfen win s d-irefden tarbuyt inna-yas:

-Ay agellid, wagi tettwaliḍ deg ufus-iw, inna-s d-acu-t wass-a, d-acu-t wayyur deg nella. Ma yenna-yak d-acu-ten, atan d-tidett d-argaz neg m’uli ur d-ttafeḍ ara azger am wa ?

Agellid yenna-yas i win d-irefden akken tarbuyt n seksu :

-d-acu-t wass-a, d-acu-t wayyur deg nella. Iṭallay ar igenni ma ad iwali ayyur neg awwah.

Yugal ugellid ar win t-id-iwwin:  i baba-k anda yella awi-t-id ? Yerra-yas-d: Atan deg wexxam.

Imir nni yerra-t deg wemḍiq-is. Yugal win akken ur nezl’ara baba-s d-agellid γef tmurt.

 

Ihi akka itfuk tmacahutt.

Un commentaire

  • lina 7 novembre 2017 à19 h 22 min

    merci

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *