Chach dh Ulach
Contes en kabyle / 14 décembre 2017

Tamachahuth n sinne wayathmathen (CHACH dh’ULACHE) rouhane adestadane (Ce sont deux frères « CHACH ET ULACHE » qui sont partis pour chasse)… Hawssene hawssene, uroufine walou, alors, massefhamane adhnefra9ane, balak adhafene ssiada. Ba3d lmoudda, urdestadane achamma (plusieurs heures passées, toujours rien de chasser), a3yane alors koulwa itshawisse f’egmasse… Koulwa yeghar igmasse : Ulach : waaaaaa chache … Chache : waaaaaa Ulache … Mais iwanne uryesli gmasse… Tsedoune, Gharenn dima … Ulach : waaa Chache … Chache : waaa Ulache… Meskine Chache yemllale iwene oussiade, yennayes arjoud akatfakh. Yatfith yewthith… Chache (yetsrou) yennayesse : iwachou thawathtiyi ? Assiade yennayesse: amak!!! (Comment ?), guesbah, nakk tastadakh, tshawissakh, ketchini, tha9artad Ulach !!!!: Chach : ehee, amakk addenikh ? (Comment dois je dire ?) Assiade: inid setta (6), sab3a (7) fi koul sa3a. Meskine Chache ikkamel avridisse (continue sa marche) yi9arrad setta (7) seb3a (7) fi koul sa3a setta (7) seb3a (7) fi koul sa3a. yemllal aljanaza, raffdene elmeyyet. Imawlane lmayyet nanasse arjou athnamtal. Après fkanesse thatrihth . Chache (yetsrou) : iwachou thawathmiyi ? Nanesse: amak!!!, noukni nass3a ljanaza, ketchini, tha9artad setta (6), sab3a (7) fi koul sa3a. !!!! Chach : ehee, amakk addenikh ? Nanesse:: inid, Allah i3adam lajar… Meskine Chache ikkamel avridisse…

Aḥeddad n Lqalus
Contes en kabyle / 7 novembre 2015

Taddart n Lqalus tura trab.Qqaren asmi-tt mazal tebded, yella deg-s yiwen uḥeddad yesεa cci, yerna γur-s tameṭṭut tzad di ṣṣifa.Yiwen wass qqimen kra n lγaci la heddren di tejmaɛt, inṭeq-d yiwen yenna-as : -Lemmer ad iyi tcehhdem, ad-kkseγ i uḥeddad tameṭṭut is. Nnan as: – I kecc s lεaqel ik? Yenna-asen: Ṛeggemt iyi kan ar ad yi-tcehdem. Ṛeggemn-as( weɛden-as) . Iruḥ ar tejmaɛt n ccraε,yenna-asen: -Sliγ i uḥeddad yebra i tmeṭṭut is n tlata fi tlata. Ihi yekks as-tt ccraε. Aqli nekk bγiγ ad tt-aγeγ. Nnan as : – D lmuḥal ! Yenna yasen 😀 ayen ẓṛan medden . Nnan as : -Awid inagan . Iruḥ yewwi-d inagan widen akken i as-iṛeggmen di tejmaɛt. Cehden as. Tajmaɛt teḥkem tennebra tmeṭṭut. Truḥ. yuɣ- itt urgaz-nni. γer taggara uγalen armi kksen i uḥeddad ula d tiferkiwin is. Tella di taddart n Lqalus yiwet temγart tegra-d waḥd-s, ur tesεi ḥedd. Tewwḍ-d tefsut; bdan medden la teffγen γer tferkiwin-nnsen. Ala tamγart nni acku ulac wara  teğğ deg uxxam is . Ass-nni truḥ, s aḥeddad tru-yas. Yenna-yas : -Ma tebγiḍ ad am-ggeγ ttawil. Tenna-yas :- Lemmer ad txedmeḍ tinna… Yenna-yas :- Ad am-xedmeγ tasekkart ara yetteskkiren axxam-im si beṛṛa. Di lweqt-nni tiwwura ttsekkirent kan si sdaxel.At taddart, akken walan tamγart, mi tsekker…

Agellid aferḍas
Contes en kabyle / 6 novembre 2015

Zik-nni deg yiwet n tmurt, yella yiwen n ugellid d aferḍas. Yiwen deg wid akk i iḥkem ur yeẓri neɣ ur yesli s tifeɣedt n ugellid-nsen. Yiwen wass n unebdu, tidi tettcercur ɣef wudem-is d uqerruy-is, agellid yeṭall yeffes yerna zelmeḍ, mi iwala yiwen ur yelli yekker yekkes tacacit-is ad yesfeḍ tidi yerna iɣeẓẓa-t uqerruy-is, yebɣa ad t-yekmez. Tban-d tgernuzt-is amzun d taneẓruft, yiwen n unẓad ur t-yesɛi. Mazal ur yerri tacacit-is almi i d-yekcem yiwen seg yiqeddacen-is. Yufa-t-id akken aqerruy ɛeryan, alammi d ass-nni i yeḥṣa umeɣbun n uqeddac s tifelɣedt n ugellid-is. Agellid yettwafḍeḥ, yeqqim irekkem seg zzɛaf, yeṭṭef aqeddac n twaɣit deg lexnaq yenna-as:”Lufan ad sleɣ yeffeɣ wawal ɣef wayen teẓriḍ, netta yettwehhi ɣer tbelɣust-is, ad k-kkseɣ    aqerruy-ik. Aqeddac ittergigi am usaflaw, yeggul s uqerruy-is d win n warraw-is ur yeqqar i yiwen lbaḍna n ugellid. Yeffeɣ meskin s tazzla d tergagayt. Wissen acḥal n wussan i yezrin, aqeddac ameɣbun yesɛedda-ten deg liqliq, ulac amḍiq i-t-yewwin. Ala Rebbi d netta i yeẓran s tifelɣedt n ugellid. Yeqqim yewḥel. Tinin yebɣa ad yini i lɣaci merra d akken agellid-nsen d afelɣad maca yugad tamettant, ur yettu ara ayen iɣef t-iweɛɛed ugellid u yerna yeggul. Zik ulac limin ḥanet….

Tamacahut n tgelda
Contes en kabyle / 6 novembre 2015

Yella yiwen ugellid, yiwet n tikkelt yessemger. Yuki d-yiman-is belli tfuk-as tezmert. Imi akka issunefk-as ad irr yiwen nniḍen deg wemdiq-is maca amek ar-a yeg akken ad-yaf win gef acu ar-a yettkel izemren i tgelda . Yufa-d tikti akka yenna i lgaci : -kra n win igur-s baba-s ur yemmut ara, a-t-yezlu. Kkren lgaci n tmmurt nni zlan akk babat-sen anagar yiwen ur t izl’ara. Mi yewweḍ ar baba-s, inna-yas akka d wakka. Imir nni yerna ugellid yenna-yasen a-y-id-tawim seksu gef acciwen n yezgaren. Azekka nni yal wa amek s-iga yeqqen aḍebsi ger wacciwen wezger. Wa yeskker takemmust n seksu deg wceṭiḍ yeqn-itt neg yurzi-tt ar yic n wezger, yal wa amek s-iga akken a-s-yawi seksu i wegellid gef yic n wezger. Azekka nni, mi d-yeffeg tanzegt ittwali-d ar lgaci yeqqim seksu yettafeg ar igenni, izgaren nni, asmuhret, tekker ddunit ar laxeṛt. Anagar yiwen yeṭṭf-ed yiwen wergaz i msegza yid-s a-s-d-irfed tarbuyt n seksu i wgellid. Agellid mi t id-iwala akken, yenna i lgaci nni: -Ruḥet akk anagar wihin umi d-irfed akka wihin tarbuyt ihin. Yenna-yasen, s wurfan : – siwlet-as !  Winna mi d-yewweḍ ar ugellid. Agellid yenna-yas : -Amek nnig i lgaci a-y-id-tawim seksu gef acciwen n yezgaren, keč tewwiḍ iyi-d argaz. Wagi d-argaz mači d-azger…

Agdiḍ azeggaɣ
Contes en kabyle / 6 novembre 2015

Amacahu, ad telhu, ad teḍbeɛ am usaru ad tuɣal annect n ujga. Zik-nni tella yiwet n tyaziḍt deg yiwet n taddart tettidir nettat d warraw-is deg telwit. Ɣur-s mraw n yigdaḍ, tẓa deg-sen kif-kif-iten deg tiɣmi, d imellalen akk, ma d wis mraw yemgarrad ɣef yimezwura, ur yelli d amellal am nutni : netta d azeggaɣ am tfelfelt . Ɣef waya i t-ɣunzan watmaten-is deg uxxam d tizziwin-is deg berra. Ur t-ttaǧǧan ara ad yurar yid-sen, yerna ttaḍsan fell-as. Akka i s-xeddmen seg mi ara d-yali wass alamma yeɣli yiṭij ttɛayaren-t : Tifelfelt tazeggaɣt… tifelfelt taqerḥant… Agdiḍ azeggazɣ meskin yettarra kan ɣer wul-is, seg mi ara d-yekker yekres unyir-is, yezga d uḥzin kra yekka wass, ur yessin la taḍsa la anecraḥ. Yiwen wass, tekker-d yemma-s tanezzayt am wakken tuɣ tannumi teḥseb tarwa-s, tufa tẓa n yifrax imellalen, wis mraw, azeggaɣ-nni ulac-it. Tessawel, tessawel, tuzzel yeffes, tuzzel zelmeḍ , amzun yeffeɣ-itt laɛqel, maca yiwen ur as-d-yerri awal. Teqqim ɣef umnar n tewwurt tettru, tkemmel aḥluli i tasa-s. Afrux azeggaɣ mi iwala yiwen ur t-iḥemmel dɣa yehmel yerra ɣef uqerruy-is.Yerwel ɣef uxxam-nsen, yeǧǧa ɣer deffir atmaten-is i s-yerran ddunit-is d taberkant. Iteddu, iteddu, ur yeẓri anda ara t-awin yisurifen-is armi d-yeɣli yiḍ. Dɣa…

Agrud bu snat tyemmatin
Contes en kabyle / 6 novembre 2015

  Ta d taqsiṭ i yeḍran i Sidna Sliman. Yiwen wass, usant-d ɣer teɣremt n Sidna Sliman snat tlawin, yiwet d timizwiɣt tayeḍ d timibrikt. Yal yiwet deg-sent teddem-d agrud deg ufus-is. Igerruden-nni ttemcabin aṭas, maca yiwen deg-sen d amuddir wayeḍ yemmut. Sersent snat tlawin-nni igurden-nsent sdat n uɛric n ugellid, qqumcent, bdant la d-ḥekkunt ayen tent-id-yewwin ɣer dinna. Agellid yesmuzgut-asent s uhannay ameqqran : – Ay Unnig-nsen, i d-tebda tmeṭṭut timizwiɣt, nekk ttidireɣ di yiwen uxxam akked tmeṭṭut-a, nettat d takna-inu. Azal n wayyur aya, s kra n wussan kan gar-anteɣ, i snat yid-nteɣ nurew-d sin yiguuden yellan s tezmert igerrzen. Armi d iḍelli tameddit, agerrud n tmeṭṭut-a yebda yettiẓẓif. Netta ad yili yemmut kra n tsaɛtin deffir mi nessexsi tafat akken ad neṭṭes. Ur ifaq yiwen s wayen yeḍran i ugrud-a siwa yemma-s. Dɣa imi nekk tuɣ-iyi ɣebbseɣ deg yiḍes alqayan, tfures tagnit tekker-d di talest, teddem-d agrud-iw terr ines deg umkan-is. Mi d-ukiɣ taṣebḥit-a, faqeɣ agrud yellan ɣer yidis-iw ur yesnuffus ara. Mi ḥekkreɣ nezzeh deg-s, ukzeɣ netta mačči d-waynu. Imir-nni kan, tenṭeq-d tmeṭṭut timibrikt tini i Sidna Sliman s yimeṭṭawen deg wallen :Uhu, ay Unnig-nsen ! Tameṭṭut-a la teskiddib. Agrud amuddir d ayla-w”. Din-din, tegzem-as awal tmeṭṭut…